ZiForKrim Colab egitasmoak EHUko irakasle eta ikertzaileek eta Ertzaintzaren Polizia Zientifikoaren Unitateko ikertzaileek elkarlanean garatutako ikerketa aplikatuko proiektuak dira.

Proiektu bakoitzak erakunde parte-hartzaile bakoitzeko ikertzaile nagusi bana du arduradun. Lidergo partekatu horri esker, ezagutza akademikoa, jardun forentsea eta benetako ikerketa-testuinguruetarako aplikagarritasuna uztartzen dira.

Abian diren ikerkera-lerroak

Gaur egun, honako ZiForKrim Colab proiektu hauek daude martxan:

Kriminalistik Simulation Labs — HBP i3 2025/32

Hezkuntza-berrikuntzako proiektu bat da eta Zientzia Forentseen eta Kriminalistikaren arloko prestakuntza aurreratua du helburu.

ZFK COLAB 03/2026 – DNAren kontserbazioa

Proiektu honek hainbat gainazaletan utzitako lagin epitelialetan DNA kontserbatzeko orduan erreaktiboek eta tenperatura-baldintzek duten eragina aztertzen du.

ZFK COLAB 02/2026 – Analisi lofoskopikoa

Proiektu honek gandor lofoskopikoetan ikus daitezkeen fenomenoen prebalentzia aztertzen du, bai eta fenomeno horiek adierazle forentse kualitatibo gisa izan dezaketen erabilera ere.

ZFK COLAB 01/2026 – Trikologia forentsea

Proiektu honen helburua da animalien eta gizakien ile-laginen erreferentziazko bilduma bat garatzea, ikerketa forentserako eta analisi konparaturako.